Constituida la Asociación de Mulleres en Igualdade de Burela

Con la denominación de Asociación de Mulleres en Igualdade de Burela se constituye en la localidad mariña, el día 20 de septiembre, una organización de naturaleza asociativa y sin ánimo de lucro y con ámbito territorial de acción en toda la provincia de Lugo. La junta directiva está formada por 8 mujeres, donde la presidenta es María del Mar Fraga Fernández.
 
A ASOCIACIÓN DE MULLERES EN IGUALDADE DE BURELA (BUMEI) está a colaborar activamente con outras entidades do Concello de Burela. Seguen a vivir a súa axenda de forma intensiva, pois ao longo desta semana as integrantes da xunta directiva están a participar no “Curso de autoprotección ante a violencia de xénero” organizado polo Centro de Información á Muller (CIM) do Concello de Burela e, así mesmo, preparan a súa asistencia ao “rastrillo navideño” organizado pola Asociación VAGALUME, que terá lugar os días 15 e 16 na praza de abastos de Burela durante toda a xornada.
 
Mari Fraga, presidenta de MULLERES EN IGUALDADE DE BURELA agradece ao “Monasterio Valdeflores” de Viveiro, ao “Centro Dietético e Nutrición Alba Vila” e a “Librería Atril” de Burela, así como a todas as persoas que colaboran coa asociación na preparación e celebración do rastrillo a súa solidariedade contribuíndo con doazóns de distintos productos e artículos.
 
A presidenta engade “animo e convido a todas as persoas veciñas de Burela a participar nas distintas actividades programadas polo tecido asociativo de Burela, xa que todos debemos solidarizarnos na medida das nosas posibilidades e contribuír na mellora da calidade de vida daquelas persoas mais desfavorecidas” e recorda que “calquera persoa se pode por en contacto coas integrantes da xunta directiva tanto para asesorarse sobre temas concretos sobre violencia de xénero e sobre igualdade, como sobre os programas que estamos a pór en marcha de banco de alimentos, roupeiro, banco bebé e banco de maiores ou mesmo para formar parte da asociación”.
 
Son fins principais da asociación:
 
a)      Conseguir que os dereitos civís recoñecidos pola Constitución de 1978 (art. 9.2) ás mulleres, sexan realmente exercidos como tarefa prioritaria do noso concello.
 
b)      Promover a igualdade de xénero entre as mulleres.
 
c)      Realizar accións de prevención da violencia de xénero dirixidas á poboación en xeral.
 
d)      Desenvolver actividades de información para as mulleres (publicacións, seminarios, folletos, accións audiovisuais, encontros co outras asociacións, etc.) e adaptalas en función da evolución das súas necesidades.
 
e)      Realizar accións de acollemento, información, orientación e asesoramento dirixidas a mulleres con necesidades específicas: inmigrantes, maiores, discapacitadas, etc.
 
f)        Desenvolver campañas e actividades informativas e de sensibilización sobre aspectos de muller.
 
g)      Elaborar campañas socioeducativas baseadas na igualdade e no respecto intercultural dirixidas á xuventude e infancia.
 
h)      Desenvolver actividades de formación e aquelas encamiñadas a promover a plena igualdade entre mulleres e homes
 
i)        Levar a cabo contactos e intercambios con outras entidades que traballen para acadar os mesmos obxectivos.
 
j)        Colaborar con iniciativas ou campañas que promovan a paz, a solidariedade e a cooperación entre persoas e pobos.
 
k)      Fomentar a conciliación da vida laboral e familiar. 
 
Para levar a cabo os seus fins, poderá a asociación organizar as seguintes actividades:
 1.Acollemento, información, orientación e asesoramento á muller, así como ao resto de persoas que precisen información sobre igualdade de xénero.
 2.Accións de sensibilización e promoción da igualdade entre mulleres e homes.
 3.Accións que fomenten a solidariedade e cooperación.
 4.Encontros con outras asociacións/entidades que promovan o mesmo fin.
 5.Actividades/programas dirixidos a favorecer a conciliación laboral e familiar.
 6.Convivencias con outros colectivos/asociacións de mulleres para favorecer as súas habilidades e competencias.
 7.Talleres de autoestima e desenvolvemento persoal para mulleres.
 8.Calquera outra actividade que respecte e responda ao obxecto da asociación. 
 
A xunta directiva arranca con forza e con moitas ganas de traballar, xa que nestes tres escasos meses de vida da asociación foron capaces de poñer en marcha 4 grandes proxectos: banco de alimentos, roupeiro, banco bebé (xoguetes, roupa ou calquera artigo de puericultura) e banco maiores (axudas técnicas, pañais, ou calquera producto para o coidado das persoas maiores).
 
A xunta directiva agradece o apoio do Concello de Burela e, por suposto, a todas aquelas mulleres que se están unindo como asociadas, xa que sen o seu apoio voluntario todos estes proxectos carecen de sentido.